Adé: 20 anos de saudade

Passaram ontem 20 anos desde o desaparecimento de José Inocêncio dos Santos Ferreira, vulgo "Adé", poeta do patuá, o linguajar "crioulo" local. Adé, que nos deixou em 24 de Março de 1993 aos 72 anos, deixou um sem número de poemas na língua maquista, bem como uma série de operetas e peças de teatro que eram assiduamente exibidas no Teatro D. Pedro V nos anos 60 e 70, normalmente no periodo do Carnaval. Adé, considerado um purista do patuá, é a principal inspiração do grupo "Doçi Papiaçam di Macau", formado poucos meses depois da sua morte, e que este ano comemora 20 anos de existência. Os Doçi vão assinalar o seu bi-decanário com a peça "Amochai Divoto", que subirá ao palco do Centro Cultural a 25 e 26 de Maio próximos. Como uma forma de homenagear Adé, deixo-vos com o poema "Macau pequinino". Em patuá, pois claro.

MACAU PEQUININO

Iou-sa tera,
Iou-sa bérço,
Amor vivo di iou-sa coraçám;
Macau pequinino,
Filo di unga Pátria grándi.

Macau pequinino,
Tera di um-cento glória,
Qui tamêm já churá
Lágri margo di tristéza;
Macau qui na mau tempo,
Na ora di calmaria,
Sempri têm na su coraçám
Acunga quirido di tudo nôs:
PORTUGAL!

Portugal,
Di más grándi na Estória di Mundo,
Di más cristám na Mundo Cristám...
Pátria di gente corajoso,
Qui cruzá mar medonho,
Já vai tera estranho,
Cavá, vêm estuhga vánda,
Assi lóngi,
Criá vôs,
Fazê vôs cristám,
Fazê vôs ganhá bénça di Céu.

Macau cristám,
Iou-sa único riquéza,
Minha tudo ancuza na vida.
Tera di Nómi Sánto
Qui Mai di Deus, co ternura,
Cubrí co Su quimám di séda.
Vôs já conservá atê hoze,
Livrado di sujidádi,
Tudo puréza di vôsso alma.

Macau, beléza di iou-sa ôlo,
Sol di iou-sa vida...
Qualunga di nôs dôs
Lôgo vai más aZinha, iou nom sabe: Si iou,
Di estunga váli di lágri,
Co tudo iou-sa pecado,
Si vôs,
Di grándi Família Lusitano,
Co vôsso obra meo-ramatado.

Intrestánto, Macau,
Bérço abençoado,
Farol alumiado di iou-sa fé;
Dessá iou vêm pedí co vôs:
Qui na chuva, qui na dia bonito,
Na alegria, Ó na tristéza,
Guardá sempri na vôsso coraçám,
Quente, respetado,
Nómi di nôsso quirido Portugal.
Prendido na vôsso alma,
Guardá co tudo cuidado
Riquéza di bénça sagrado,
Qui Dios já fazê cai di Céu Pa alumiá vôsso vida,
Sedo trás di sedo.

Sã tudo qui iou pedí co vôs,
Co fervor,
Co humildádi,
Co acunga humildádi qui sã vôsso image,
Qui já fazê vôs filo bêm quirido
Di Portugal,
Di Dios.